بیجنگ: (رائیٹ ناؤ نیوز) ایک چینی والد نے اپنی بیٹی کی جنک فوڈ کی عادت چھڑانے کے لیے منفرد طریقہ اختیار کیا۔ انہوں نے بیٹی کو جنک فوڈ کھانے سے باز رکھنے کے لیے جعلی الٹراساؤنڈ ویڈیو بنائی۔

والد نے ویڈیو میں دکھایا کہ جنک فوڈ کھانے سے پیٹ میں کیڑا پیدا ہو رہا ہے۔ یہ ویڈیو سوشل میڈیا پر وائرل ہو گئی ہے۔

بیٹی کی جنک فوڈ کی عادت کو چھوڑنے میں یہ طریقہ کارگر ثابت ہوا۔ بچی نے مبینہ طور پر جنک فوڈ چھوڑ دیا۔

ویڈیو اور واقعے کے وائرل ہونے پر سوشل میڈیا صارفین نے مختلف ردعمل دیے۔ کچھ نے والد کے طریقے کو دلچسپ کہا، جبکہ کچھ نے صحت مند غذا کی اہمیت پر زور دیا۔

یاد رہے کہ بچوں کو جنک فوڈ سے دور رکھنے کے لیے مختلف طریقے استعمال کیے جاتے ہیں۔ صحت مند غذا کی اہمیت سمجھانے کی ضرورت ہے۔