واشنگٹن: (رائیٹ ناؤ نیوز) امریکی سفیر مائیک والٹز کے مطابق صدر ڈونلڈ ٹرمپ نے ایران پر حملے روک دیے ہیں۔ اس کا مقصد ایران کے ساتھ سفارتکاری کو موقع دینا اور مذاکرات کی گنجائش پیدا کرنا ہے۔

مائیک والٹز نے امریکی میڈیا سے بات کرتے ہوئے کہا کہ صدر ٹرمپ مذاکرات کو وقت دینا چاہتے ہیں۔ تاہم، انہوں نے مذاکرات کی ممکنہ تفصیلات کے بارے میں کچھ نہیں بتایا۔

خبر ایجنسی کے مطابق ٹرمپ نے ایران پر 13 روز سے جاری حملے روکنے کا حکم دیا۔ واضح نہیں کیا گیا کہ یہ وقفہ عارضی ہے یا مستقل۔

وائٹ ہاؤس میں اجلاس کے دوران نائب صدر اور جنرل ڈین کین نے جنگ میں شدت پر خدشات ظاہر کیے۔ جنرل کین نے کہا کہ دوبارہ حملے شروع کرنے سے انٹرسیپٹر میزائلوں کے ذخائر کم ہوسکتے ہیں۔

یاد رہے کہ عمانی حکام کے ایران دورے کے باعث بھی حملے روک دیے گئے ہیں۔ عمانی وفد کے دورے کا مقصد ایران کے ساتھ مذاکرات کی راہ ہموار کرنا ہے۔