اسلام آباد: (رائیٹ ناؤ نیوز) پاکستان سمیت 8 مسلم ممالک کے وزرائے خارجہ نے مسجد اقصیٰ میں اسرائیلی آبادکاروں کی کارروائیوں کی مذمت کی ہے۔ ان کا کہنا ہے کہ یہ اقدامات مذہبی تقدس کی پامالی اور خطے میں کشیدگی بڑھا رہے ہیں۔

مشترکہ اعلامیے میں کہا گیا کہ اسرائیلی آبادکاروں کی اشتعال انگیز کارروائیاں ناقابل قبول ہیں۔ سعودی عرب، یو اے ای، قطر، مصر، اردن، ترکیہ، انڈونیشیا اور پاکستان نے اس پر اتفاق کیا۔

وزرائے خارجہ نے زور دیا کہ مسجد اقصیٰ کی تاریخی، قانونی اور مذہبی حیثیت کا احترام کیا جائے۔ کسی بھی قسم کی یکطرفہ تبدیلی ناقابل قبول ہے۔

اعلامیے میں اردن کے محکمہ اوقاف کے خصوصی اختیار کا اعادہ کیا گیا اور عالمی برادری سے موثر اقدامات کا مطالبہ کیا گیا۔

یاد رہے کہ اسرائیلی اقدامات پر دنیا بھر کے مسلم ممالک میں تشویش پائی جاتی ہے۔ اسرائیل سے مسلمانوں کو عبادت سے روکنے کا سلسلہ بند کرنے کی اپیل کی گئی ہے۔