بیجنگ: (رائیٹ ناؤ نیوز) چین نے زمین کو ممکنہ طور پر خطرناک خلائی چٹانوں سے محفوظ رکھنے کے لیے ایک اہم خلائی مشن کا اعلان کیا ہے۔ اس منصوبے کے تحت ایک خلائی جہاز کو سیارچے 2015 ایکس ایف 261 سے ٹکرایا جائے گا۔

چینی سائنس دانوں نے بتایا ہے کہ یہ تجربہ 2030 کے قریب کیا جا سکتا ہے۔ اس منصوبے کے تحت دو خلائی جہاز روانہ کیے جائیں گے، جن میں سے ایک تصادم کرے گا جبکہ دوسرا محفوظ فاصلے سے مشاہدہ کرے گا۔

چین نے ایسے سیارچے کو نشانہ بنانے کا منصوبہ بنایا ہے جو زمین کے قریب گردش کرتا ہے۔ اس سے سیارچے کے ڈھانچے پر ممکنہ اثرات کا جائزہ لیا جائے گا۔

سائنس دانوں کا کہنا ہے کہ اس مشن سے سیارچوں کی اندرونی ساخت، کثافت اور مضبوطی کے بارے میں معلومات حاصل ہوں گی۔ 2015 ایکس ایف 261 کا محدود مشاہدہ ایک بڑا چیلنج ہے۔

یاد رہے کہ زمین کو خلائی چٹانوں سے بچانے کے لیے دنیا بھر میں مختلف ممالک تحقیق کر رہے ہیں۔ چین کا یہ منصوبہ بھی انہی کوششوں کا حصہ ہے۔