راولپنڈی: (رائیٹ ناؤنیوز) کینیڈا کی وزیر خارجہ انیتا آنند نے فیلڈ مارشل سید عاصم منیر سے ملاقات کی۔ ملاقات میں علاقائی سلامتی اور دہشتگردی کے خلاف تعاون پر بات چیت ہوئی۔

وزیر خارجہ انیتا آنند نے جی ایچ کیو کا دورہ کیا جہاں فیلڈ مارشل سید عاصم منیر سے اہم ملاقات کی۔ دوطرفہ تعلقات اور دفاعی روابط پر تفصیلی تبادلہ خیال ہوا۔

آئی ایس پی آر کے مطابق فیلڈ مارشل نے عالمی و علاقائی سلامتی کے چیلنجز پر مشترکہ کوششوں کو ضروری قرار دیا۔ پاکستان کے مؤقف پر بھی روشنی ڈالی گئی۔

کینیڈا کی وزیر خارجہ نے پاکستان کی دہشتگردی کے خلاف قربانیوں کو سراہا۔ دفاع و سلامتی میں تعاون کو مزید فروغ دینے پر زور دیا گیا۔

یاد رہے کہ پاکستان اور کینیڈا کے درمیان دوطرفہ تعلقات تاریخی طور پر مضبوط رہے ہیں۔ دونوں ممالک نے ہمیشہ امن و استحکام کی حمایت کی ہے۔