بلوچستان کے ضلع کچھی میں کسٹم یونٹ نے ٹماٹر ٹرک سے 11 کروڑ روپے مالیت کی کرسٹل آئس برآمد کی ہے۔
کوئٹہ: (رائیٹ ناؤ نیوز) بلوچستان کے ضلع کچھی کے علاقے کولپور میں کسٹم انفورسمنٹ یونٹ نے کارروائی کے دوران ٹماٹروں سے لدے مزدا ٹرک سے 10 کلو گرام کرسٹل آئس برآمد کر لی۔
کسٹم حکام کے مطابق برآمد شدہ کرسٹل آئس کی مالیت تقریباً 11 کروڑ 12 لاکھ روپے ہے۔ منشیات فیول ٹینک کے ساتھ نصب خفیہ خانے سے برآمد کی گئی۔
کسٹم حکام نے بتایا کہ منشیات اسمگلنگ میں ملوث ملزمان کے خلاف مقدمہ درج کر لیا گیا ہے۔ قانونی کارروائی کا آغاز ہو چکا ہے۔
قانون نافذ کرنے والے اداروں نے بلوچستان میں منشیات کے مکمل خاتمے تک انسدادِ اسمگلنگ کی کارروائیاں جاری رکھنے کا عزم ظاہر کیا ہے۔
واضح رہے کہ بلوچستان میں منشیات کی اسمگلنگ ملکی معیشت اور قومی سلامتی کے لیے خطرہ ہے۔ حکومت اس کے خاتمے کے لیے متعدد اقدامات کر رہی ہے۔
