راولپنڈی: (رائیٹ ناؤ نیوز) خارجی سہولت کار کے انکشافات سے دہشتگردی کے ایک بڑے نیٹ ورک کا پردہ فاش ہوا ہے۔ انکشافات میں بھتہ خوری اور من پسند فتووں کا استعمال شامل ہے۔

دہشتگردی کے لیے مذہب کی آڑ میں غیر قانونی مدارس کے ذریعے فتاویٰ کا سہارا لیا گیا۔ گرفتار مولوی ظفر یاب کا تعلق جامع نظام العلوم بنوں سے بتایا گیا ہے۔

ان انکشافات کے بعد غیر قانونی مدارس کو نیشنل ایکشن پلان کے تحت ڈی جی آر ای کے دائرہ کار میں لانے کی ضرورت ہے۔

ظفر یاب نے بتایا کہ وہ خارجی کمانڈر حکمت روشان کا ساتھی رہا ہے اور گل بہادر شوریٰ کا رکن بھی۔ یہ کمانڈر غیر شرعی فتوے حاصل کرتے تھے۔

یاد رہے کہ 2019ء سے غیر قانونی مدارس کی رجسٹریشن کے معاہدے پر عمل درآمد جاری ہے۔ ماہرین کا کہنا ہے کہ مدارس کی نگرانی شدت پسندی کے تدارک کے لیے اہم ہے۔