لاہور: (رائیٹ ناؤنیوز) لاہور ہائی کورٹ نے موٹروے گینگ ریپ کیس میں مجرموں کی سزائے موت کے خلاف اپیلیں مسترد کر دیں۔ جسٹس شہباز رضوی کی سربراہی میں دو رکنی بینچ نے یہ فیصلہ جاری کیا۔

عدالت نے کہا ہے کہ خواتین کے خلاف ایسے جرائم معاشرے میں خوف پیدا کرتے ہیں۔ ڈی این اے شواہد کا استعمال سچائی تک پہنچنے کا انتہائی قابل اعتماد ذریعہ ہے۔

تحریری فیصلے میں کہا گیا ہے کہ مجرموں نے انسانی وقار کو پامال کیا۔ متاثرہ خاتون کا بیان سزا برقرار رکھنے کے لیے کافی ہے۔

عدالت نے زور دیا کہ جنسی زیادتی کے مقدمات میں متاثرہ خاتون کی شناخت خفیہ رکھنا ضروری ہے۔ خاتون کے طبی معائنے نے جرم کی تصدیق کی۔

یاد رہے کہ لاہور ہائی کورٹ نے 3 جون 2026 کو مجرموں کی سزائے موت برقرار رکھتے ہوئے اپیلیں مسترد کر دی تھیں۔