ممبئی: (رائیٹ ناؤنیوز) بالی ووڈ اداکار امیتابھ بچن نے اپنی بلاگ پوسٹ پر وضاحت جاری کی ہے۔ انہوں نے کہا ہے کہ ان کی تحریر کو غلط سمجھا گیا تھا۔

امیتابھ بچن کے مطابق ان کی تحریر ذاتی صحت نہیں بلکہ لیونل میسی کی ٹیم کی شکست کے بارے میں تھی۔ انہوں نے کہا کہ یہ ایک علامتی تشبیہ تھی۔

چند روز قبل ان کی بلاگ پوسٹ میں اسپتال، سرجری اور آئی سی یو کا ذکر تھا، جس پر مداحوں نے تشویش ظاہر کی۔ اداکار نے کہا کہ وہ مکمل خیریت سے ہیں۔

امیتابھ بچن نے کہا کہ شکست کے بعد چیمپیئنز کے لیے واپسی مشکل ہوتی ہے، جیسے سرجری کے بعد جسم کو وقت چاہیے ہوتا ہے۔

واضح رہے کہ ان کی پوسٹ میں اسپتال، سرجری اور آئی سی یو کا ذکر مداحوں کو پریشان کر گیا تھا۔ اب انہوں نے وضاحت کردی کہ یہ محض ایک علامتی مثال تھی۔