اوکلینڈ: (رائیٹ ناؤ نیوز) امریکی ٹیکنالوجی کمپنی میٹا کے 26 ملازمین نے کمپنی پر AI کے ذریعے برطرفی کا الزام لگاتے ہوئے مقدمہ دائر کر دیا ہے۔ ان کا کہنا ہے کہ کمپنی نے AI سسٹمز کے ذریعے ملازمین کی کارکردگی کی جانچ کی، جس سے وہ متاثر ہوئے جو ذاتی وجوہات کی بنا پر کام سے دور تھے۔

مقدمہ کیلیفورنیا کی وفاقی عدالت میں درج کیا گیا ہے، جس میں دعویٰ کیا گیا ہے کہ مئی میں برطرفی کا نوٹس دیا گیا اور 22 جولائی کو ملازمتیں ختم کی جانی ہیں۔

میٹا نے الزامات کو بے بنیاد قرار دیتے ہوئے کہا کہ ملازمتوں کے فیصلے انسان کرتے ہیں، نہ کہ AI۔ ترجمان کے مطابق تمام فیصلے انسانی نگرانی میں ہوئے ہیں۔

یہ مقدمہ امریکہ کی کسی بڑی کمپنی کے خلاف پہلا مقدمہ ہے جس میں AI کو برطرفی کے لیے استعمال کرنے کا الزام ہے۔

یاد رہے کہ میٹا نے مئی میں 8 ہزار ملازمین کو فارغ کرنے کا اعلان کیا تھا، جبکہ AI میں سرمایہ کاری جاری رکھنے کا ارادہ ظاہر کیا تھا۔