واشنگٹن: (رائیٹ ناؤ نیوز) امریکی صدر ڈونلڈ ٹرمپ نے بتایا ہے کہ ایران نے امریکا سے مذاکرات جاری رکھنے کی درخواست کی ہے اور امریکا نے اس پر اتفاق کیا ہے۔

صدر ٹرمپ نے کہا کہ دونوں ممالک کے درمیان سفارتی رابطے برقرار ہیں اور مذاکرات کا دروازہ بند نہیں کیا گیا ہے۔ اختلافات کے باوجود بات چیت جاری رہے گی۔

انہوں نے بتایا کہ امریکا نے ایران کو پیغام دیا ہے کہ جنگ بندی کا وقت ختم ہو چکا ہے، مگر بات چیت سے استحکام حاصل ہو سکتا ہے۔

ایران کے سرکاری خبر رساں ادارے کے مطابق قطر کا وفد حالیہ کشیدگی کے بعد ثالثی کی کوششوں کے لئے ایران پہنچا ہے۔

واضح رہے کہ قطر ہمیشہ تنازعات میں ثالثی کا کردار ادا کرتا رہا ہے اور حالیہ سفارتی کوششیں خطے میں استحکام کے لئے کی جا رہی ہیں۔