کراچی: (رائیٹ ناؤنیوز) شاہد آفریدی نے افغان فاسٹ بولر شاپور زدران کے انتقال پر افسوس کا اظہار کیا ہے۔ انہوں نے کہا کہ شاپور ہمیشہ دلوں میں زندہ رہیں گے اور ان کی روح کو جنت فردوس میں اعلیٰ مقام ملے۔

شاہد آفریدی نے اپنے فیس بک پیج پر لکھا کہ موت ہر انسان کو آنی ہے مگر پشتونوں کی عزت و وقار کبھی نہیں مرتا۔ انہوں نے کہا کہ موت جسم کو جدا کر سکتی ہے لیکن معاشرتی ضابطہ حیات زندہ رہتا ہے۔

شاہد آفریدی نے بیان میں شاپور زدران کی کرکٹ خدمات کو سراہا۔ شاپور نے 44 ون ڈے اور 36 ٹی ٹونٹی میچز میں افغانستان کی نمائندگی کی۔ ان کی کارکردگی 2015 کے ورلڈ کپ میں یادگار رہی۔

شاپور زدران کے انتقال پر ساتھی کھلاڑیوں اور کرکٹ حکام نے تعزیت کی ہے۔ ان کی بیماری کے دوران کئی افغان کھلاڑی ان کی عیادت کے لئے بھارت گئے تھے۔

واضح رہے کہ شاپور زدران طویل علالت کے بعد نئی دہلی کے اسپتال میں انتقال کر گئے۔ ان کی عمر 38 برس تھی اور وہ کینسر کے مریض تھے۔