تہران: (رائیٹ ناؤنیوز) ایرانی پارلیمنٹ کے سپیکر محمد باقر قالیباف نے کہا ہے کہ پاکستان مشکل حالات میں ایران کا حقیقی دوست ثابت ہوا ہے۔ انہوں نے چیئرمین سینیٹ یوسف رضا گیلانی سے ملاقات کے دوران اس دوستی کو سراہا۔

باقر قالیباف نے کہا کہ پاکستان کے عوام اور قیادت نے آزمائش اور خوشی دونوں مواقع پر ایران کا ساتھ دیا ہے۔ ایران کی ترقی سے خطے میں امن و استحکام کو فروغ ملے گا۔

چیئرمین سینیٹ یوسف رضا گیلانی نے باہمی تعلقات کو مزید مضبوط بنانے کی ضرورت پر زور دیا۔ انہوں نے کہا کہ ایران کی ترقی خطے میں استحکام لائے گی۔

واضح رہے کہ ایران کے پارلیمانی سپیکر باقر قالیباف نے چینی پیپلز کانگریس کے نائب صدر سے بھی گفتگو کی۔ ان کا کہنا تھا کہ امریکا کو آبنائے ہرمز میں مداخلت کی اجازت نہیں دیں گے۔

باقر قالیباف نے چین کے ساتھ ایران کے سیاسی اور اقتصادی تعلقات کی تعریف کی۔ انہوں نے کہا کہ دونوں ممالک کے اسٹریٹیجک تعلقات کشیدگی کم کرنے میں معاون ثابت ہوں گے۔