لاہور: (رائیٹ ناؤ نیوز) جماعت اسلامی کے امیر حافظ نعیم الرحمان نے لاہور میں ٹیوشن سینٹر کی چھت گرنے کے واقعے کے بعد صوبائی حکومت کو تنقید کا نشانہ بنایا ہے۔ ان کا کہنا ہے کہ حکومت اسکولوں کی مرمت کرنے کے بجائے انہیں نجی اداروں کے حوالے کر رہی ہے۔

انہوں نے مزید کہا کہ لاہور میں سینکڑوں خستہ حال عمارتیں اور اسکول ہیں۔ ان کی مرمت کے بجائے آؤٹ سورس کیا جا رہا ہے، جو کہ باعث تشویش ہے۔

وزیراعظم شہباز شریف کے حلقے کا ذکر کرتے ہوئے انہوں نے کہا کہ پنجاب میں کئی بستیاں بنیادی سہولتوں سے محروم ہیں اور حکمرانوں کو اپنا انداز حکمرانی بدلنا ہوگا۔

انہوں نے یہ بھی کہا کہ جماعت اسلامی متاثرہ خاندانوں کے ساتھ کھڑی ہے اور انسانی جان کی کوئی قیمت نہیں ہو سکتی۔ علاقہ میں ترقیاتی کام اور زخمیوں کا علاج ہونا چاہیے۔

یاد رہے کہ حافظ نعیم الرحمان نے پنجاب میں غربت میں 41 فیصد اضافے کی نشاندہی بھی کی ہے، جو کہ ایک سنگین مسئلہ ہے۔