تہران: (رائیٹ ناؤ نیوز) ایران کے صدر مسعود پزشکیان نے عالمی برادری کو یقین دہانی کراتے ہوئے کہا ہے کہ ایران جوہری ہتھیار بنانے کا ارادہ نہیں رکھتا۔ ان کے مطابق ایران کی جوہری سرگرمیاں ملکی ضروریات کے مطابق اور پرامن مقاصد کے لیے جاری ہیں۔

ایرانی صدر نے کہا کہ امریکا کے ساتھ عبوری معاہدے کے بعد ایران کے تیل اور پیٹروکیمیکل شعبے پر عائد پابندیاں اٹھا لی گئی ہیں۔ انہوں نے یہ بھی بتایا کہ قطر میں منجمد ایران کے 12 ارب ڈالر میں سے 6 ارب ڈالر جلد واپس مل جائیں گے۔

انہوں نے مزید کہا کہ سپریم لیڈر آیت اللہ علی خامنہ ای نے ہمیشہ واضح کیا ہے کہ ایران جوہری ہتھیار بنانے کا ارادہ نہیں رکھتا۔ ایران آج بھی اسی پالیسی پر قائم ہے۔

ایران اور امریکا نے ایک دوسرے پر حملے روکنے اور مذاکرات بحال کرنے پر اتفاق کر لیا ہے۔ امریکی میڈیا کے مطابق دونوں ممالک کشیدگی کم کرنے کے لیے اقدامات کریں گے۔

واضح رہے کہ امریکا اور ایران کے درمیان منگل کو دوحہ میں ملاقات متوقع ہے، جہاں آبنائے ہرمز سے متعلق تنازع سمیت دیگر اہم امور پر بات چیت کی جائے گی۔