منامہ: (رائیٹ ناؤ نیوز) ایران اور عمان نے آبنائے ہرمز کے انتظام کے لیے مشترکہ حکمت عملی پر اتفاق کیا ہے۔ دونوں ممالک نے آبی گزرگاہ کے مستقبل کے انتظام سے متعلق تفصیلی بات چیت کی ہے۔

ایرانی نائب وزیر خارجہ کاظم غریب آبادی نے بتایا کہ عمان نے ساحلی ریاست ہونے کے ناطے انتظامات میں کردار کی حمایت کی ہے۔ عمان کا کہنا ہے کہ خدمات کے عوض فیس وصول کی جانی چاہئے۔

دونوں ممالک کے درمیان تکنیکی کمیٹیاں قائم کی جائیں گی۔ ماہرین آئندہ سات سے آٹھ دنوں میں مذاکرات شروع کریں گے تاکہ مسودہ تیار ہو سکے۔

آبنائے ہرمز کا معاملہ ایران اور امریکہ کے درمیان اختلافی نکتہ ہے۔ ایران نئی سروس فیس نافذ کرنا چاہتا ہے جبکہ امریکہ مخالفت کر رہا ہے۔

یاد رہے کہ عمان نے حالیہ دنوں میں کہا تھا کہ گزرگاہ فیس عائد کرنے کا کوئی منصوبہ نہیں ہے اور اقوام متحدہ کی نگرانی میں عارضی بحری راہداری کا اعلان کیا ہے۔