واشنگٹن: (رائیٹ ناؤ نیوز) امریکی صدر ڈونلڈ ٹرمپ نے کہا کہ اگر میری مداخلت نہ ہوتی تو اسرائیل تباہ ہو چکا ہوتا۔ انہوں نے اسرائیلی وزیر اعظم نیتن یاہو کو متوازن رہنے کی تلقین کی ہے۔

ڈونلڈ ٹرمپ نے ایک انٹرویو میں کہا کہ میں نے اسرائیل کو لبنان پر حملہ کرنے سے روکا تھا۔ ان کا کہنا تھا کہ اسرائیلی میری بات کو اہمیت دیتے ہیں اور ایران کے ساتھ جنگ بڑھنے سے عالمی معاشی بحران پیدا ہو سکتا تھا۔

امریکی نائب صدر جے ڈی وینس نے بھی اسرائیلی حکومت کو تنقید کا نشانہ بنایا ہے۔ انہوں نے کہا کہ ایران کے ساتھ معاہدے پر نیتن یاہو کا غصہ سمجھ سے بالاتر ہے۔ ٹرمپ پر تنقید کرنے والوں کو تنبیہ کی گئی کہ تمہاری حفاظت ہمارے پیسوں سے ہوتی ہے۔

واضح رہے کہ اسرائیل کی لبنان پر بمباری امریکا ایران مذاکرات میں رکاوٹ بن چکی ہے۔ ایرانی وفد نے اس وجہ سے اپنا سوئٹزرلینڈ کا دورہ منسوخ کر دیا اور مذاکرات ملتوی کر دیے گئے ہیں۔

یاد رہے کہ یہ پیشرفت امریکی نائب صدر کے دورے کے التوا کا بھی باعث بنی ہے۔ عرب میڈیا کے مطابق لبنان پر حملوں کی وجہ سے مذاکرات میں تعطل پیدا ہوا ہے۔