تہران: (رائیٹ ناؤ نیوز) ایرانی پارلیمنٹ کے اسپیکر محمد باقر قالیباف نے خبردار کیا ہے کہ ایران پر غیر ضروری مطالبات مسلط کرنے کی کوشش کی گئی تو سخت جواب دیا جائے گا۔ انہوں نے کہا کہ معاہدے کی خلاف ورزی پر ایران کی جانب سے فیصلہ کن ردعمل ہوگا۔

محمد باقر قالیباف نے سوشل میڈیا پلیٹ فارم ایکس پر کہا کہ ایران پر معاہدے کی تمام شقوں پر عملدرآمد کی ذمہ داری ہے۔ انہوں نے بتایا کہ ایران اپنے قومی مفادات کی حفاظت کے لیے کسی دباؤ کو برداشت نہیں کرے گا۔

ایرانی اسپیکر نے مزید کہا کہ ماضی میں دشمن کو سبق سکھایا جا چکا ہے، دوبارہ کوشش کرنے پر اسی طرح کا ردعمل دیا جائے گا۔ ان کے مطابق ایران اپنے مفادات کے لیے ہر ممکن اقدام کرے گا۔

واضح رہے کہ ایران کے سپریم لیڈر آیت اللہ مجتبیٰ خامنہ ای نے امریکا کے ساتھ مفاہمتی یادداشت کی توثیق کی ہے۔ ان کا کہنا ہے کہ یہ فیصلہ قومی مفاد کے تحت کیا گیا ہے۔

یاد رہے کہ آیت اللہ خامنہ ای کے مطابق مذاکرات کاروں نے اہم پیش رفت کے لیے مخلصانہ کوششیں کی ہیں۔ انہوں نے کہا کہ ایرانی قوم کی استقامت قابلِ تعریف ہے، اور وہ اس مرحلے تک پہنچنے کے لیے دعا گو ہیں۔