واشنگٹن: (رائیٹ ناؤ نیوز) امریکی صدر ڈونلڈ ٹرمپ نے اسرائیل کو بے وقوف قوم قرار دیتے ہوئے سخت تنقید کی ہے۔ انہوں نے کہا کہ اسرائیل نے ایران پر بم برسائے جانے کی ترغیب دی تھی۔

ٹرمپ نے نیوز کانفرنس میں کہا کہ اسرائیلی وزیراعظم نیتن یاہو کے ساتھ لبنان کے معاملے پر اختلافات ہیں۔ انہوں نے مزید کہا کہ اسرائیل کو حزب اللہ کے ساتھ بہتر رویہ اپنانا چاہیے۔

امریکی صدر نے ایران کے ساتھ معاہدے پر نیتن یاہو کی مایوسی کا ذکر کرتے ہوئے کہا کہ ایران کے ساتھ ڈیل نہ ہوتی تو آبنائے ہرمز نہ کھلتی۔ ٹرمپ نے کہا کہ ایرانی معاہدے کے بعد تیل کی قیمتیں کم ہو رہی ہیں۔

انہوں نے امید ظاہر کی کہ ایران ایٹمی ہتھیار نہیں بنائے گا اور کہا کہ ایران کے جوہری مواد کا سراغ لگا لیں گے۔ ٹرمپ نے مزید کہا کہ ایران سے معاہدے کے بعد خطے کی صورتحال بہتر ہو رہی ہے۔

یاد رہے کہ اسرائیل اور ایران کے درمیان جنگ کے تناظر میں طے پانے والی مفاہمتی یادداشت پر اسرائیل میں شدید غم و غصہ پایا جا رہا ہے۔ اسرائیل کا کہنا ہے کہ معاہدے میں ان کے مفادات کا تحفظ نہیں کیا گیا۔