واشنگٹن: (رائیٹ ناؤ نیوز) امریکی صدر ڈونلڈ ٹرمپ نے ایران کے منجمد اثاثے واپس کرنے کا عندیہ دیا ہے، جو امریکی پالیسی میں اہم تبدیلی کی علامت ہے۔

صدر ٹرمپ نے کہا ہے کہ ایران کے منجمد اثاثے ایران کی ہی ملکیت ہیں اور امریکا کا ان سے کوئی تعلق نہیں ہے۔ ان کا کہنا ہے کہ ہمیں ایران کی رقم واپس کرنی پڑے گی۔

انہوں نے مزید کہا کہ معاہدے کی شرائط پر مکمل عمل درآمد کی صورت میں ایران کے اثاثے واپس کیے جا سکتے ہیں۔ امریکا ایران کو براہ راست کوئی مالی امداد نہیں دے گا۔

ٹرمپ نے واضح کیا کہ ایران کی معیشت موجودہ پابندیوں کے باعث مشکلات کا شکار ہے اور معاہدے کی مکمل پاسداری سے یہ صورتحال بدل سکتی ہے۔

یاد رہے کہ ایران پر امریکی پابندیاں اس کے جوہری پروگرام کی وجہ سے عائد کی گئی تھیں اور معاہدے کی شرائط پوری کرنے پر پابندیوں میں نرمی کا امکان ہے۔