تہران: (رائیٹ ناؤ نیوز) ایران کے چیف مذاکرات کار اور پارلیمنٹ کے اسپیکر محمد باقر قالیباف نے کہا ہے کہ دشمن میڈیا پروپیگنڈہ کر رہا ہے۔ یہ کوشش ایران کو ہتھیار ڈالنے پر مجبور کرنے کے لیے کی جا رہی ہے۔

قالیباف کے مطابق، دشمن میڈیا بحری ناکا بندی کے ذریعے اقتصادی دباؤ بڑھا کر ایران کو اندر سے کمزور کرنا چاہتا ہے۔ انہوں نے ایرانی عوام کو دشمن کے خلاف ڈٹ کر کھڑے رہنے کی تلقین کی ہے۔

انہوں نے مزید کہا کہ ایرانی عوام تاریخ کے اس حساس دور میں ہوشیار ہیں۔ ایرانی حکومت کے مطابق، ابھی امریکی تجاویز کا باضابطہ جواب نہیں دیا گیا ہے۔

اسماعیل بقائی کا کہنا ہے کہ ایران جلد ہی پاکستان کے ذریعے امریکا کو جواب بھجوائے گا۔ انہوں نے جنگ کے خاتمے کی سست سفارتی کوششوں کی ذمہ داری امریکا پر ڈالی ہے۔

واضح رہے کہ ایران اور امریکا کے درمیان کشیدگی اور مذاکرات کا عمل جاری ہے، جس میں مختلف عالمی قوتیں شامل ہیں۔