جاپان کے جزیرے کیوشو میں 7.1 شدت کا زلزلہ، سونامی کی وارننگ جاری۔ رہائشیوں کو محفوظ مقامات پر منتقل ہونے کی ہدایت کی گئی۔
ٹوکیو: (رائیٹ ناؤ نیوز) جاپان کے جزیرے کیوشو میں شدید زلزلہ آیا۔ زلزلے کی شدت 7.1 ریکارڈ کی گئی ہے۔
جاپان کی موسمیاتی ایجنسی کے مطابق زلزلے کے بعد ایک میٹر بلند سونامی کی وارننگ جاری کی گئی۔ ساحلی علاقوں میں احتیاطی تدابیر اختیار کرنے کی ہدایت دی گئی۔
کماموتو، ناگاساکی، اور کاگوشیما سمیت دیگر علاقوں میں ہنگامی الرٹ جاری کیا گیا۔ رہائشیوں کو محفوظ مقامات پر منتقل ہونے کی تاکید کی گئی ہے۔
زلزلے کی وجہ سے عوام میں خوف و ہراس پھیل گیا ہے۔ اہم عمارتوں کو خطرہ لاحق ہے اور نقصان کا خطرہ بڑھ گیا ہے۔
یاد رہے کہ جاپان دنیا کے زلزلہ خیز علاقوں میں شامل ہے۔ ماضی میں بھی یہاں شدید زلزلے آچکے ہیں۔
