کراچی: (رائیٹ ناؤ نیوز) ملک بھر میں سونے کی قیمت میں 4 ہزار روپے سے زائد کی کمی دیکھی گئی ہے۔ آل پاکستان جیمز اینڈ جیولر ایسوسی ایشن کے مطابق فی تولہ سونے کی قیمت میں 4300 روپے کی کمی ہوئی ہے جس کے بعد قیمت 4 لاکھ 27 ہزار 436 روپے ہوگئی ہے۔

ایسوسی ایشن کے مطابق 10 گرام سونے کی قیمت میں بھی 3 ہزار 687 روپے کی کمی ہوئی ہے، جو اب 3 لاکھ 66 ہزار 457 روپے کی قیمت پر دستیاب ہے۔

عالمی بازار میں سونے کی قیمت 43 ڈالر کم ہوکر 4050 ڈالر فی اونس ہوگئی ہے۔

مقامی اور عالمی مارکیٹ میں سونے کی قیمت میں تبدیلی سے تاجروں اور سرمایہ کاروں کے لئے اہم مواقع پیدا ہوئے ہیں۔

واضح رہے کہ گزشتہ دو دنوں میں سونے کی قیمت میں مسلسل اضافہ دیکھا گیا تھا، جس سے صارفین میں تشویش بڑھ گئی تھی۔