واشنگٹن: (رائیٹ ناؤ نیوز) امریکی صدر ڈونلڈ ٹرمپ نے پراجیکٹ فریڈم کو عارضی طور پر روکنے کا اعلان کر دیا ہے۔ یہ اعلان پاکستان اور دیگر ممالک کی درخواست پر کیا گیا ہے۔

صدر ٹرمپ نے کہا ہے کہ امریکا اور ایران اس فیصلے پر متفق ہو گئے ہیں۔ اس وقفے کا مقصد دونوں ممالک کے درمیان ممکنہ حتمی معاہدے کے امکانات کا جائزہ لینا ہے۔

امریکا کی جانب سے ایران پر عائد بحری ناکہ بندی بدستور برقرار رہے گی۔ پاکستان سمیت دیگر ممالک کی درخواست پر اس منصوبے کو عارضی طور پر روکا گیا ہے۔

صدر ٹرمپ کا کہنا ہے کہ ایران کے خلاف مہم کے دوران امریکا کو زبردست فوجی کامیابی حاصل ہوئی ہے۔ اب دونوں ممالک کے درمیان حتمی معاہدے کی جانب نمایاں پیش رفت ہو رہی ہے۔

یاد رہے کہ ایران نے متحدہ عرب امارات پر حملوں کی سختی سے تردید کرتے ہوئے الزامات کو پروپیگنڈا قرار دیا ہے۔