تہران: (رائیٹ ناوٴ نیوز) ایران کی پاسداران انقلاب فورس نے آبنائے ہرمز میں امریکی پرچم والے جہاز کو روک کر گھیرے میں لے لیا۔ ایرانی حکام کے مطابق جہاز بغیر اجازت ایرانی پانیوں میں داخل ہوا تھا جسے بعد میں وارننگ دے کر علاقے سے نکل جانے دیا گیا۔

امریکی سینٹرل کمانڈ نے واقعے کی تصدیق کرتے ہوئے کہا کہ ایرانی کشتیوں نے جہاز کو روکا اور عملے کو ہراساں کیا۔ پاسدارانِ انقلاب کی کشتیاں اور ایرانی ڈرون جہاز تک پہنچے اور قبضے کی دھمکی دی۔

امریکی سینٹرل کمانڈ کا کہنا ہے کہ امریکی ایئرکرافٹ یو ایس ایس ابراہم لنکن پر موجود ایف 35 سی طیارے نے ایرانی ڈرون مار گرایا۔