لاہور: (رائیٹ ناؤنیوز) جماعت اسلامی پاکستان نے حکومتی کمیٹی کے سامنے پیٹرولیم مصنوعات پر لیوی ٹیکس کے خاتمے سمیت 3 مطالبات پیش کیے ہیں۔ یہ مذاکرات ملک گیر ہڑتال کے دوران منصورہ میں منعقد ہوئے، جہاں دونوں فریقین کے درمیان بات چیت ہوئی۔

نائب امیر جماعت اسلامی لیاقت بلوچ نے کمیٹی کے سامنے مطالبات رکھے۔ جماعت اسلامی نے پیٹرولیم لیوی کے خاتمے کے علاوہ آئی پی پیز معاہدے ختم کرنے اور بجلی کی قیمتوں میں کمی کا مطالبہ کیا ہے۔

حکومتی کمیٹی نے جماعت اسلامی کے مطالبات کو جائز قرار دیا ہے، مگر انہوں نے عالمی تناظر میں پیٹرولیم مصنوعات کی قیمتوں کو برقرار رکھنے کی ضرورت پر زور دیا ہے۔ ان کا کہنا ہے کہ عوام کو ریلیف دینا حکومت کی ترجیح ہے۔

واضح رہے کہ جماعت اسلامی کی جانب سے پیٹرولیم لیوی اور مہنگی بجلی کے خلاف ملک گیر شٹر ڈاؤن ہڑتال جاری ہے۔ اس احتجاج کے نتیجے میں کاروباری مراکز بند ہیں اور کئی کارکنان زیر حراست ہیں۔

یاد رہے کہ حکومتی وفد اور جماعت اسلامی کے رہنما مذاکرات کے بعد مشترکہ پریس کانفرنس میں عوام کو ریلیف دینے پر اتفاق کر چکے ہیں۔ یہ بات احسن اقبال نے میڈیا کے سامنے بیان کی۔