اسلام آباد: (رائیٹ ناؤ نیوز) وزیراعظم کے مشیر برائے نجکاری محمد علی نے کہا ہے کہ پاکستان کی اقتصادی ترقی کے لیے نجکاری اہم ہے۔ یہ بات انہوں نے ایشیائی ترقیاتی بینک کے تحت منعقدہ تقریب میں کہی۔

محمد علی نے کہا کہ ملک میں بڑے پیمانے پر سرمایہ کاری اور بنیادی ڈھانچے کی ترقی کی ضرورت ہے۔ آبادی میں اضافے کی وجہ سے بنیادی سہولیات میں 100 فیصد اضافہ متوقع ہے۔

ان کا کہنا تھا کہ حکومت اکیلے یہ ترقیاتی ضروریات پوری نہیں کر سکتی۔ پاکستان کی بچت کی شرح ویتنام اور چین کے مقابلے میں کم ہے۔

واضح رہے کہ ملک میں موجودہ پی پی پی منصوبے 36 ارب ڈالر مالیت کے 154 منصوبے ہیں۔ یہ منصوبے پاکستان کی ترقیاتی صلاحیت کو ظاہر کرتے ہیں۔

یاد رہے کہ پاکستان میں فیڈرل پی پی پی اتھارٹی ایکٹ 2017 نافذ ہے۔ حکومت نے نجکاری کے ذریعے بنیادی ڈھانچے کی ترقی کو فروغ دینے کا عزم ظاہر کیا ہے۔