کراچی: (رائیٹ ناؤ نیوز) یوٹیوبر زینب فیصل نے باکسنگ میں قدم رکھا ہے اور ان کے میچ کی ویڈیوز سوشل میڈیا پر وائرل ہو رہی ہیں۔ انہوں نے ماہا نامی باکسر کے ساتھ مقابلہ کیا جس میں دونوں نے اپنی مہارت کا مظاہرہ کیا۔

ویڈیوز پر صارفین نے زینب کی تکنیک اور کارکردگی پر مختلف آرا دی ہیں۔ کچھ نے ان کے انداز پر تنقید کی جبکہ دیگر نے ان کی محنت کو سراہا۔ ایک صارف نے لکھا کہ زینب لڑ نہیں رہی بلکہ بھاگ رہی ہیں۔

کچھ صارفین نے زینب کی مخالف ماہا کے جارحانہ انداز پر تبصرہ کیا، ایک نے مذاقاً کہا کہ لگتا ہے دوسری لڑکی ان سے ناراض ہے۔

زینب کی باکسنگ ویڈیوز سوشل میڈیا پر تیزی سے مقبول ہو رہی ہیں، مختلف پلیٹ فارمز پر ان پر تبصرے جاری ہیں۔ ان ویڈیوز نے نہ صرف شائقین کی توجہ حاصل کی ہے بلکہ زینب کی شہرت میں بھی اضافہ کیا ہے۔

یاد رہے کہ زینب فیصل پاکستان کے مقبول یوٹیوب چینل سسٹرولوجی سے مشہور ہوئیں اور اب باکسنگ میں بھی اپنی شناخت بنا رہی ہیں۔