لاہور: (رائیٹ ناؤنیوز) پنجاب اسمبلی نے 16 سال سے کم عمر بچوں کے سوشل میڈیا استعمال پر پابندی کی قرارداد منظور کرلی ہے۔ یہ قرارداد حکومتی رکن اسمبلی سارہ احمد نے پیش کی تھی۔

قرارداد میں کہا گیا کہ بچوں کی جسمانی، ذہنی اور اخلاقی نشونما کا تحفظ ریاست کی ذمہ داری ہے۔ مزید کہا گیا کہ سوشل میڈیا کے نامناسب مواد سے بچے ذہنی دباؤ اور دیگر خطرات میں مبتلا ہو رہے ہیں۔

پاکستان ٹیلی کمیونیکیشن اتھارٹی سے مطالبہ کیا گیا ہے کہ سوشل میڈیا پلیٹ فارمز پر عمر کی تصدیق کا نظام نافذ کرے۔ عالمی سطح پر آسٹریلیا، فرانس، چین اور امریکا میں قوانین موجود ہیں۔

یہ قرارداد بچوں کے محفوظ مستقبل کو یقینی بنانے کے لئے قانون سازی کی اہمیت پر زور دیتی ہے۔ سوشل میڈیا کے بڑھتے اثرات بچوں کے لیے خطرہ بن سکتے ہیں۔

واضح رہے کہ دیگر ممالک میں موجود قوانین کی بنیاد پر پاکستان میں بھی کم عمر بچوں کے لئے قوانین کی ضرورت محسوس کی گئی ہے۔