اسلام آباد: (رائیٹ ناؤ نیوز) اسلام آباد کے معروف میریٹ ہوٹل میں فائر سیفٹی انتظامات نامکمل پائے گئے ہیں۔ کیپیٹل ڈویلپمنٹ اتھارٹی (سی ڈی اے) نے ہوٹل کو نوٹس جاری کردیا ہے۔

سی ڈی اے کے شعبہ فائر پریوینشن نے ہوٹل کی فائر سیفٹی کا معائنہ کیا۔ معائنے کے بعد ہوٹل انتظامیہ کو ضروری حفاظتی اقدامات مکمل کرنے کی ہدایات دی گئی ہیں۔

ہوٹل کے مالک حسن ہاشوانی کو نوٹس جاری کیا گیا ہے۔ سی ڈی اے نے عمارت میں فائر سیفٹی انتظامات بہتر بنانے کا حکم دیا ہے۔

دستاویزات کے مطابق، نوٹس اسلام آباد فائر پریوینشن اینڈ لائف سیفٹی ریگولیشنز 2010 کے تحت دیا گیا ہے۔ اس کا مقصد آگ سے بچاؤ اور ہنگامی حالت میں حفاظتی انتظامات کو یقینی بنانا ہے۔

واضح رہے کہ سی ڈی اے نے حالیہ دنوں میں فائر سیفٹی قوانین پر عمل درآمد کو سخت کیا ہے۔ قواعد کی خلاف ورزی پر کئی اہم عمارتوں کے خلاف کارروائی کی گئی ہے۔