کیلی فورنیا: (رائیٹ ناؤ نیوز) ایپل کے متوقع آئی فون 18 پرو اور پرو میکس کی قیمتوں میں اضافے کی اطلاعات سامنے آئی ہیں۔ رپورٹس کے مطابق، ان ماڈلز کی قیمت گزشتہ سال کے آئی فون 17 پرو سیریز کے مقابلے میں 100 ڈالر زیادہ ہو سکتی ہے۔

مارک گرومین نے دعویٰ کیا ہے کہ ایپل ستمبر میں ان ماڈلز کی قیمت بڑھانے کی تیاری کر رہا ہے۔ ان کا کہنا ہے کہ سیمسنگ اور گوگل نے بھی اپنے فلیگ شپ فونز کی قیمتوں میں اضافہ کیا ہے، جس کی وجہ میموری اور اسٹوریج کے پرزوں کی بڑھتی ہوئی قیمتیں ہیں۔

ایپل کے ایک ایگزیکٹو نے کمپنی کی مصنوعات کی قیمتوں میں ممکنہ اضافے کا عندیہ دیا تھا۔ میک بک اور آئی پیڈ کی قیمتوں میں اضافہ کیا گیا، لیکن آئی فون 17 سیریز کو مستثنیٰ رکھا گیا۔

واضح رہے کہ قیمتوں میں اضافے کا اثر آئی فون 18 پرو سیریز پر بھی پڑ سکتا ہے۔ سام سنگ اور گوگل کے بعد ایپل بھی قیمت بڑھانے پر غور کر رہا ہے تاکہ بڑھتے ہوئے اخراجات کو پورا کیا جا سکے۔

یاد رہے کہ ایپل نے ابھی تک نئے ماڈلز کی لانچ اور قیمت میں اضافے کی باضابطہ تصدیق نہیں کی ہے۔ دیگر مارکیٹس میں بھی قیمت بڑھنے کا امکان ہے، جبکہ آئی فون 17 اور دیگر ماڈلز کی قیمتوں میں بھی اضافہ ممکن ہے۔