بیجنگ: (رائیٹ ناؤنیوز) چین کی ایک تحقیق کے مطابق لمبی صحت مند زندگی کے لیے ناشتے کا وقت اہم ہے۔ تحقیق میں بتایا گیا کہ ناشتے کا وقت صحت پر اثر انداز ہوتا ہے۔

Huazhong یونیورسٹی آف سائنس اینڈ ٹیکنالوجی کی تحقیق میں 40 سال یا اس سے زائد عمر کے 31 ہزار افراد کے ڈیٹا کا تجزیہ کیا گیا۔ تحقیق میں یہ بات سامنے آئی کہ صبح 7 سے 8 بجے کے درمیان ناشتہ کرنا صحت کے لیے بہتر ہے۔

تحقیق کے مطابق صبح 8 بجے کے بعد ناشتہ کرنے والے افراد میں کسی بھی وجہ سے موت کا خطرہ بڑھ جاتا ہے۔ جبکہ رات 8 بجے کے بعد کھانا کھانے سے موت کا خطرہ 13 فیصد تک بڑھ سکتا ہے۔

اس تحقیق کی اہمیت یہ ہے کہ کھانے کا وقت جسمانی گھڑی کے افعال کے لیے اہم ہوتا ہے۔ تاخیر سے کھانے سے میٹابولزم متاثر ہوسکتا ہے اور صحت پر منفی اثرات پڑ سکتے ہیں۔

یاد رہے کہ یہ نتائج یورپین جرنل آف کلینیکل نیوٹریشن میں شائع ہوئے ہیں اور نیند، جسمانی سرگرمیاں اور دیگر عوامل بھی صحت پر اثر انداز ہوتے ہیں۔