اسلام آباد: (رائیٹ ناؤنیوز) وزیراعظم شہباز شریف نے کابینہ اجلاس میں خطاب کرتے ہوئے کہا کہ مکہ دفاعی معاہدہ خطے میں امن و خوشحالی کیلئے ہے، نہ کہ کسی کے خلاف جارحیت کیلئے۔ انہوں نے کہا کہ یہ معاہدہ پاکستان اور سعودی عرب کے دفاعی تعلقات کا تسلسل ہے۔

وزیراعظم نے بتایا کہ مکہ میں پاکستان، سعودی عرب اور ترکیہ کے درمیان اہم دفاعی معاہدہ ہوا ہے جس پر تینوں ممالک کے رہنماؤں نے دستخط کیے۔ انہوں نے فیلڈ مارشل کو معاہدے کی کامیابی پر مبارکباد دی۔

انہوں نے مزید کہا کہ معاہدہ امت مسلمہ کیلئے تقویت کا باعث ہے۔ اس کے پیچھے کئی سال کی کوششیں ہیں، جس کیلئے نائب وزیراعظم اسحاق ڈار اور فیلڈ مارشل عاصم منیر کو مبارکباد پیش کی۔

شہباز شریف نے قومی شہداء کو خراج عقیدت پیش کرتے ہوئے کہا کہ دہشتگردی کے خلاف جنگ جاری رہے گی۔ انہوں نے کہا کہ پاکستان دوبارہ امن کی راہ پر ہوگا۔

واضح رہے کہ آزاد کشمیر میں مسلم لیگ ن کی اکثریت بن چکی ہے۔ وزیراعظم نے کہا کہ آزاد کشمیر میں ترقیاتی منصوبے نواز شریف کی قیادت میں شروع ہوں گے اور 14 اگست کو شان و شوکت سے منایا جائے گا۔