اسلام آباد: (رائیٹ ناؤنیوز) وفاقی تعلیمی بورڈ نے نہم اور دہم جماعت کے سالانہ امتحانات کے نتائج کا اعلان کر دیا ہے۔ نتائج کے مطابق طالبات نے شاندار کارکردگی دکھائی ہے، 10 میں سے 7 ٹاپ پوزیشنز حاصل کی ہیں۔

وفاقی وزیر ڈاکٹر خالد مقبول صدیقی نے تقریب سے خطاب کرتے ہوئے کہا کہ یہ تقریب کامیابیوں کا آغاز ہے۔ انہوں نے کہا کہ علم مومن کی میراث ہے اور ہمیں روایات سے ہم آہنگ ہو کر آگے بڑھنا ہے۔

وزیر تعلیم نے کہا کہ وفاق کو باقی صوبوں کے لیے ایک ماڈل بننا چاہیے۔ انہوں نے کامیاب طلبا اور ان کے والدین کو مبارکباد پیش کی اور تعلیمی اداروں کے ماحول کو بہتر بنانے کا عزم ظاہر کیا۔

انہوں نے کہا کہ تعلیم کا معیار متعین کرنا آج کی ضرورت ہے۔ انہوں نے تعلیمی اداروں کے ماحول کو سازگار بنانے کی ضرورت پر زور دیا اور کہا کہ ہم ایک عظیم قوم ہیں۔

یاد رہے کہ وفاقی تعلیمی بورڈ ہر سال نہم اور دہم جماعت کے امتحانات کا انعقاد کرتا ہے، اور یہ نتائج طلبا کی تعلیمی کامیابیوں کا ایک اہم پیمانہ سمجھے جاتے ہیں۔