بغداد: (رائیٹ ناؤ نیوز) سعودی عرب اور امریکی مسلح افواج نے عراق میں ایران نواز مسلح گروہوں کے ٹھکانوں پر شدید فضائی حملے کیے ہیں۔ یہ کارروائی سعودی عرب کی تیل تنصیبات اور امریکی افواج پر حملوں کی کوششوں کے جواب میں کی گئی۔

سعودی وزارت دفاع نے بتایا کہ سعودی رائل فضائیہ نے عراق میں بصرہ، واسط، کربلا اور نینویٰ میں ملیشیا کے ٹھکانوں کو نشانہ بنایا ہے۔ ان حملوں میں اسلحہ کے گودام اور لاجسٹک مراکز بھی شامل تھے۔

میجر جنرل ترکی المالکی نے کہا کہ سعودی افواج نے امریکی سینٹرل کمانڈ کے ساتھ مکمل تعاون کے تحت یہ حملے کیے۔ امریکی سینٹرل کمانڈ نے بھی حملوں کی تصدیق کی ہے۔

یہ حملے سعودی عرب کی قومی سلامتی کے تحفظ اور تیل تنصیبات کے دفاع کے لیے کیے گئے ہیں۔ سعودی وزارت خارجہ نے کہا کہ سعودی عرب کشیدگی نہیں چاہتا لیکن اپنی سلامتی پر سمجھوتہ نہیں کرے گا۔

یاد رہے کہ حالیہ دنوں میں سعودی عرب اور امریکی تنصیبات پر 30 سے زائد ڈرون اور میزائل حملوں کی کوششیں کی گئی تھیں۔ عراقی وزیراعظم علی الزیدی نے حملوں کی تحقیقات کا حکم دیا ہے اور سعودی عرب کا دورہ کریں گے۔