اسلام آباد: (رائیٹ ناؤنیوز) وزیراعظم شہباز شریف سے چیئرمین یوتھ پروگرام رانا مشہود کی ملاقات ہوئی۔ ملاقات میں یوتھ پروگرام کے جاری منصوبوں کی پیشرفت پر بات چیت کی گئی۔

وزیراعظم نے نوجوانوں کو ڈیجیٹل مہارتوں اور کاروباری صلاحیتوں سے آراستہ کرنے کی اہمیت پر زور دیا۔ انہوں نے کہا کہ تعلیم و تربیت نوجوانوں کی اولین ترجیح ہونی چاہیے۔

وزیراعظم نے حکام کو ہدایت کی کہ روزگار کے مواقع پیدا کرنے کے لیے جامع حکمت عملی پر کام کیا جائے۔ حکومت یکساں مواقع فراہم کرنے کے لیے وسائل بروئے کار لا رہی ہے۔

یہ منصوبے معیشت، صنعت اور معاشرتی تنوع میں نوجوانوں کی اہمیت کو اجاگر کرتے ہیں۔ ہنر مند افرادی قوت معاشرتی ترقی میں کلیدی کردار ادا کرتی ہے۔

واضح رہے کہ حکومت نوجوانوں کو تعلیم یافتہ اور ہنر مند بنانے کے لیے مختلف منصوبے چلا رہی ہے۔ شہباز شریف نے قوم کے تابندہ مستقبل کے لیے نوجوانوں کی تربیت پر زور دیا ہے۔