پاکستان میں شمسی توانائی کی مانگ میں تیزی، بیٹری ہائبرڈ سسٹمز کی اہمیت بڑھ رہی ہے۔
اسلام آباد: (رائیٹ ناوٴ نیوز) پاکستان میں چھتوں پر لگائی جانے والی شمسی توانائی تیزی سے پھیل رہی ہے اور اس کا مستقبل روشن نظر آتا ہے۔انڈسٹری ماہرین کے مطابق نیٹ میٹرنگ ٹیرف میں مجوزہ تبدیلیوں کے باوجود، چھتوں پر شمسی توانائی کی طلب میں کوئی خاص کمی نہیں آئے گی۔ شمسی توانائی کی بڑھتی ہوئی اہمیت کی وجہ سے بیٹری پر مبنی ہائبرڈ سسٹمز کی مانگ بھی بڑھ رہی ہے۔
شمسی توانائی کے دن کے وقت کے زیادہ استعمال کے باعث پاکستان میں گرڈ بیلنسنگ کے مسائل پیدا ہو رہے ہیں۔ عثمان نے بتایا کہ بیٹری انر جی اسٹوریج سسٹمز ان مسائل کے حل میں مددگار ثابت ہو سکتے ہیں، جو اضافی توانائی کو ذخیرہ کر کے شام کے وقت استعمال کے لیے محفوظ کرتے ہیں۔
پاکستان کے لیے موزوں توانائی کے مرکب کےحوالے سے ماہرین کا کہنا ہے کہ ملک کو منتشر شمسی توانائی پر توجہ مرکوز کرنی چاہیے تاکہ زیادہ سے زیادہ موثر پیداوار حاصل کی جا سکے۔ انہوں نے کہا کہ مقامی طور پر تیار شدہ شمسی پینل کی کوالٹی کو بہتر بنانے کی ضرورت ہے تاکہ عالمی معیار کے مطابق ہو سکیں۔
پاکستان میں شمسی توانائی کے منصوبوں کو زیادہ خطرناک سمجھا جاتا ہے، اس لیے بینکوں کو مالیاتی آلات میں بہتری اور حکومتی ضمانتوں کی ضرورت ہے۔ اگر ان امور پر توجہ دی جائے تو 2030 تک پاکستان میں شمسی توانائی کی پیداوار میں نمایاں اضافہ ممکن ہے۔
