ٹانک میں چیک پوسٹ پر دہشتگردوں کے حملے میں 15 شہید، 12 خوارج ہلاک۔ وزیراعظم اور وفاقی وزیر کی مذمت اور عزم کا اظہار۔
ٹانک: (رائیٹ ناؤ نیوز) ٹانک میں مشترکہ پولیس چیک پوسٹ پر دہشتگردوں کے بزدلانہ حملے میں 15 جوان شہید ہوئے۔ سیکیورٹی فورسز کی جوابی کارروائی میں 12 دہشتگرد ہلاک کیے گئے۔
آئی ایس پی آر کے مطابق، دہشتگردوں نے بارود سے بھری گاڑی چیک پوسٹ سے ٹکرا دی۔ اس حملے میں 12 فوجی، 2 پولیس اہلکار اور محکمہ جنگلات کے اہلکار شہید ہوئے۔
سیکیورٹی فورسز نے علاقے میں سینی ٹائزیشن آپریشن جاری رکھا ہوا ہے۔ دہشتگردی کے خاتمے کے لیے یہ آپریشنز جاری رہیں گے۔ سپاہیوں کی قربانیاں ہمارے عزم کو مضبوط کرتی ہیں۔
وزیراعظم شہباز شریف نے حملے کی مذمت کی اور شہداء کو خراج تحسین پیش کیا۔ انہوں نے 12 خوارج کو جہنم واصل کرنے پر سیکیورٹی فورسز کی تعریف کی۔
واضح رہے کہ وفاقی وزیر مواصلات عبدالعلیم خان نے بھی حملے کی مذمت کی اور شہداء کی قربانیوں کو سراہا۔ انہوں نے ملک سے دہشتگردی کے مکمل خاتمے کا عزم ظاہر کیا۔
