لاہور: (رائیٹ ناؤ نیوز) پنجاب کے اکثر اضلاع میں مون سون بارشوں نے ریکارڈ قائم کر دیا ہے۔ پی ڈی ایم اے نے رپورٹ جاری کی ہے کہ لاہور میں 383 ملی میٹر بارش ریکارڈ کی گئی۔

پی ڈی ایم اے پنجاب کے مطابق گجرانوالہ میں 328، سیالکوٹ میں 321، اور نارووال میں 270 ملی میٹر بارش ہوئی۔ مری میں 211، منڈی بہاءالدین میں 177، اور گجرات میں 144 ملی میٹر بارش ریکارڈ کی گئی۔

مزید اضلاع میں حافظ آباد میں 108، منگلا میں 102، اور چکوال میں 96 ملی میٹر بارش ہوئی۔ شیخو پورہ میں 85، اوکاڑہ میں 72، اور جھنگ میں 66 ملی میٹر بارش ریکارڈ کی گئی۔

وزیر اعلیٰ مریم نواز کی ہدایت پر دریاوں اور بیراجز کی نگرانی جاری ہے۔ ان کے اقدامات سے متاثرہ علاقوں میں نکاسی آب کا عمل بہتر ہوا ہے۔

یاد رہے کہ مون سون بارشوں کے پیش نظر پنجاب کے شہروں میں سیف سٹی کیمروں سے نگرانی کی جا رہی ہے تاکہ کسی بھی ہنگامی صورتحال سے بروقت نمٹا جا سکے۔