شنگھائی: (رائیٹ ناؤنیوز) شنگھائی تعاون تنظیم کے اجلاس کے موقع پر اسحاق ڈار اور چینی وزیر خارجہ وانگ ای کی ملاقات ہوئی۔ دونوں رہنماؤں نے دوطرفہ تعلقات اور علاقائی پیش رفت پر گفتگو کی ہے۔

ترجمان دفتر خارجہ نے بتایا کہ ملاقات میں کثیر الجہتی فورمز میں تعاون پر بھی تبادلہ خیال کیا گیا۔ اسحاق ڈار نے علاقائی امن کے لیے چینی کوششوں کو بھی سراہا۔

چینی وزیر خارجہ نے پاکستان کی سفارتی اقدامات کی تعریف کی اور ایس سی او سربراہی اجلاس کی میزبانی کے لیے نیک خواہشات کا اظہار کیا۔

اس ملاقات سے دونوں ممالک کے تعلقات کو مزید مضبوط بنانے اور علاقائی امن کے فروغ میں مدد مل سکتی ہے۔

واضح رہے کہ پاکستان 2027 میں ایس سی او سربراہی اجلاس کی میزبانی کرے گا، جو خطے میں اہمیت کا حامل ہے۔