بیجنگ: (رائیٹ ناؤنیوز) چین کے سائنسدانوں نے ایک قدرتی مالیکیول کی نشاندہی کی ہے جو دماغ میں نیند کی خواہش بڑھاتا ہے۔ یہ دریافت نئی ادویات کی تیاری میں اہم کردار ادا کر سکتی ہے۔

تحقیق کے مطابق ‘ٹرپٹامین’ (Tryptamine) نامی یہ مالیکیول دماغ کو بتاتا ہے کہ جسم کو آرام کی ضرورت ہے۔ یہ تحقیق نیچر نیورو سائنس (Nature Neuroscience) میں شائع ہوئی ہے۔

محققین کا کہنا ہے کہ نیند کے دوران دماغ اہم کام انجام دیتا ہے، لیکن بے خوابی کی وجہ سے لوگ مناسب نیند سے محروم رہتے ہیں۔

تحقیق میں چوہوں اور سوروں پر تجربات کیے گئے، جن میں ٹرپٹامین کی مقدار کا جائزہ لیا گیا۔ نتائج سے ظاہر ہوا کہ زیادہ جاگنے سے یہ مالیکیول بڑھتا ہے۔

یاد رہے کہ یہ حیاتیاتی نظام مختلف ممالیہ جانوروں میں مشترک ہو سکتا ہے، اور اگر انسانوں میں بھی ثابت ہوا تو نئی ادویات تیار کی جا سکتی ہیں۔