نئی دہلی: (رائیٹ ناؤ نیوز) بھارتی سپریم کورٹ نے کاکروچ جنتا پارٹی کے مظاہرین پر مبینہ پولیس تشدد کی ویڈیوز دیکھنے کی درخواست مسترد کر دی۔ چیف جسٹس نے کہا کہ عدالت ویڈیوز دیکھنے کا وقت نہیں رکھتی اور درخواست گزاروں کو عدالت کا وقت ضائع نہیں کرنا چاہیے۔

یہ احتجاج 20 جون کو نیٹ امتحان کا پرچہ لیک ہونے کے بعد شروع ہوا تھا، جس میں طلبہ نے وزیر تعلیم کے خلاف مظاہرے کیے۔ رپورٹس کے مطابق احتجاج کو بالی ووڈ شخصیات کی حمایت بھی حاصل ہے۔

مظاہرین تعلیمی نظام میں شفافیت اور ذمہ دار افراد کے خلاف کارروائی کا مطالبہ کر رہے ہیں۔ عدالت کے اس فیصلے کے بعد مظاہرین کی تحریک میں مزید شدت آ سکتی ہے۔

واضح رہے کہ نیٹ امتحان کا پرچہ لیک ہونے کے واقعے کے بعد سے طلبہ میں شدید غم و غصہ پایا جاتا ہے۔