اسلام آباد: (رائیٹ ناؤنیوز) نائب وزیراعظم اسحاق ڈار کل سے چین کے دو روزہ دورے پر روانہ ہوں گے۔ یہ دورہ چینی وزیر خارجہ وانگ یی کی دعوت پر 16 جولائی سے 17 جولائی تک ہوگا۔

ترجمان دفتر خارجہ کے مطابق وزیر خارجہ کے ساتھ ایک اعلیٰ سطحی وفد بھی شامل ہوگا۔ اسحاق ڈار ورلڈ آرٹیفیشل انٹیلیجنس کوآپریشن آرگنائزیشن کی دستخطی تقریب میں پاکستان کی جانب سے بانی رکن کی حیثیت سے شرکت کریں گے۔

ترجمان نے مزید بتایا کہ اسحاق ڈار 17 جولائی کو گلوبل اے آئی گورننس سے متعلق اجلاس میں بھی شرکت کریں گے، جہاں عالمی سطح پر مصنوعی ذہانت کے قوانین پر تبادلہ خیال ہوگا۔

یہ دورہ پاکستان کے عالمی تعاون کے کردار کو مزید مستحکم کرے گا۔ اسحاق ڈار کی چینی وزیر خارجہ وانگ یی اور دیگر رہنماؤں سے ملاقاتیں بھی ہوں گی، جس میں دوطرفہ تعاون پر گفت و شنید کی جائے گی۔

واضح رہے کہ پاکستان اور چین کے درمیان مضبوط سفارتی تعلقات موجود ہیں، اور اس دورے سے دوطرفہ تعلقات کو مزید تقویت ملے گی۔