اسلام آباد: (رائیٹ ناؤ نیوز) وزیر اعظم شہباز شریف نے کہا ہے کہ جدید ٹیکنالوجی کے استعمال سے ملکی لائیواسٹاک میں انقلاب آئے گا۔ انہوں نے کہا کہ ہمیں صوبوں کے ساتھ مل کر لمبا سفر طے کرنا ہے، اور اس سیمینار کا انعقاد خوش آئند ہے۔

وزیر اعظم نے لائیو اسٹاک کے شعبے میں جدید ٹیکنالوجی کے فقدان پر افسوس کا اظہار کیا۔ پاکستان دودھ کی پیداوار میں چوتھے نمبر پر ہے، لیکن بے پناہ صلاحیتوں کے باوجود پیچھے رہ گیا ہے۔

شہباز شریف نے چین کے ساتھ تعاون کی اہمیت پر زور دیا۔ انہوں نے کہا کہ چین کے ساتھ پاکستان ایگریکلچر ریسرچ کونسل کی ٹرانسفارمیشن پر بات چیت جاری ہے، اور مزید ایک ہزار زرعی گریجوایٹس کو چین بھیجنے کی ہدایت کی۔

انہوں نے کہا کہ یہ اقدامات ملک کو خودکفیل بنا سکتے ہیں۔ نوجوان جدید تعلیم حاصل کر کے ملک کی ترقی میں اہم کردار ادا کریں گے۔

یاد رہے کہ شہباز شریف نے حالیہ معاشی اصلاحات کے اجلاس میں ٹیکس نظام میں بہتری کی ہدایت کی۔ انہوں نے کاروباری افراد کی سہولت اور برآمدات کے فروغ پر بھی زور دیا۔