تہران: (رائیٹ ناؤ نیوز) امریکا نے ایران پر بڑے حملے کیے ہیں، جن میں 14 افراد جاں بحق اور 78 زخمی ہوئے۔ ان حملوں کے جواب میں ایران نے کویت اور بحرین میں امریکی اڈوں کو نشانہ بنایا ہے۔

رپورٹس کے مطابق، امریکی حملے تین مال بردار بحری جہازوں پر حملے کے جواب میں کیے گئے تھے۔ امریکا نے کہا کہ یہ حملے آبنائے ہرمز میں جہاز رانی کی آزادی کے لیے ضروری تھے۔

ایران نے امریکی حملوں کے جواب میں کویت اور بحرین میں امریکی فوجی اڈوں کو میزائلوں اور ڈرونز سے نشانہ بنایا۔ کویت کی وزارت دفاع نے بتایا کہ ان کے دفاعی نظام نے ایرانی میزائلوں کو روکنے کی کوشش کی۔

قطر نے بھی اس صورتحال میں ہائی سیکورٹی الرٹ جاری کیا ہے، جبکہ امریکی افواج نے کہا کہ ان کا مقصد جہاز رانی کی آزادی کو یقینی بنانا ہے۔

یاد رہے کہ ٹرمپ نے ٹروتھ سوشل پر کہا کہ یہ ایران کی جانب سے بحری جہازوں پر بمباری کا بدلہ ہے، اور مزید کارروائی کی صورت میں صورتحال بگڑ سکتی ہے۔