لندن: (رائیٹ ناؤ نیوز) برطانوی شاہی خاندان کی پرنسز آف ویلز، شہزادی کیٹ مڈلٹن نے برطانیہ کی تین بلند ترین پہاڑی چوٹیاں صرف 24 گھنٹوں میں سر کرلیں۔ انہوں نے یہ کارنامہ کینسر مریضوں کی مدد اور فنڈز جمع کرنے کے لیے انجام دیا۔

بین الاقوامی میڈیا کے مطابق شہزادی کیٹ نے یہ چیلنج رائل مارسڈن کینسر اسپتال کے لیے فنڈ ریزنگ کے تحت قبول کیا۔ وہ دو سال قبل اس اسپتال میں کینسر کا علاج کروا چکی تھیں۔

یہ مہم برطانیہ کے ‘تھری پیکس چیلنج’ کا حصہ تھی، جس میں 3 ہزار 64 میٹر کی بلندی طے کی جاتی ہے۔ یہ ایک دشوار جسمانی آزمائش سمجھی جاتی ہے۔

شہزادی کیٹ نے کہا کہ یہ مہم کینسر کے مریضوں کی دیکھ بھال کرنے والے عملے کو خراج تحسین پیش کرنے کے لیے تھی۔ انہوں نے خود کو خوش قسمت سمجھا کہ وہ آج صحت مند ہیں۔

یاد رہے کہ مارچ 2024 میں شہزادی کیٹ نے اپنی کینسر کی تشخیص اور علاج کی خبر عوام کو دی تھی۔ اب وہ اپنی شاہی ذمہ داریوں کی طرف لوٹ رہی ہیں اور کینسر مریضوں کی معاونت کے منصوبوں میں فعال ہیں۔