شاہ رخ خان نے دہلی میں 37 کروڑ روپے میں اپنا خاندانی گھر خریدا، جس سے ان کے رئیل اسٹیٹ اثاثوں میں اضافہ ہوا ہے۔
نئی دہلی: (رائیٹ ناؤ نیوز) بالی ووڈ سپر اسٹار شاہ رخ خان نے دہلی کے پوش علاقے پنچ شیل پارک میں اپنے خاندانی گھر کی مکمل ملکیت حاصل کر لی ہے۔ اس سودے کی مالیت تقریباً 37 کروڑ بھارتی روپے ہے۔
اطلاعات کے مطابق شاہ رخ خان نے عمارت کی دوسری اور تیسری منزل خریدی ہے۔ اب پوری عمارت خان خاندان کی ملکیت میں آگئی ہے۔ یہ گھر ان کے لیے جذباتی اہمیت رکھتا ہے کیونکہ وہ اور گوری خان یہاں رہائش پذیر تھے۔
یہ رہائش گاہ تقریباً 1200 مربع گز پر قائم ہے اور جنوبی دہلی کے مہنگے علاقے پنچ شیل پارک میں واقع ہے۔ زمین کی قیمت تقریباً 34 ہزار 260 روپے فی مربع فٹ ہے، جبکہ سودے کی کل مالیت 37 کروڑ روپے ہے۔
رئیل اسٹیٹ ماہرین کے مطابق یہ خریداری دہلی کی نمایاں سیلیبریٹی پراپرٹی ڈیلز میں شامل ہے۔ اس سے شاہ رخ خان کے ملکی اور بین الاقوامی اثاثوں میں اضافہ ہوا ہے۔
یاد رہے کہ شاہ رخ خان اور گوری خان لگژری جائیدادوں میں سرمایہ کاری کے لیے مشہور ہیں۔ گوری خان بھارت کی معروف انٹیریئر ڈیزائنر ہیں اور ان کی کئی جائیدادوں کی تزئین و آرائش کرتی رہی ہیں۔
