کراچی: (رائیٹ ناؤ نیوز) صدر وفاق المدارس العربیہ و دارالعلوم کراچی مفتی محمد تقی عثمانی نے کرپٹو کرنسی کے بارے میں نیا فتویٰ جاری کیا ہے۔

انہوں نے کہا ہے کہ ماہرین کی تحقیق کے مطابق کرپٹو کرنسی مال نہیں بلکہ فرضی نمبروں کا اندراج ہے۔ یہ کرنسی حقیقی مال کی حیثیت نہیں رکھتی۔

مفتی تقی عثمانی نے مزید کہا کہ چاہے یو ایس ڈی ٹی ہو یا کرپٹو ٹوکن، ان سے خریداری جائز نہیں ہے۔

مفتی تقی عثمانی کے صاحبزادے حسن عثمانی نے بھی فتویٰ کی تصدیق کی ہے۔ ان کا کہنا ہے کہ جاری کردہ فتویٰ مفتی تقی عثمانی کا ہی ہے۔

یاد رہے کہ کرپٹو کرنسی کے بارے میں اسلامی نقطہ نظر سے مختلف آراء موجود ہیں، تاہم مفتی تقی عثمانی کا یہ فتویٰ اہمیت کا حامل ہے۔