تہران: (رائیٹ ناؤ نیوز) ایران نے بحرین اور کویت میں امریکی تنصیبات پر میزائل اور ڈرون حملے کیے ہیں۔ یہ کارروائی ایران پر امریکی حملوں کے جواب میں کی گئی ہے۔

ایرانی پاسداران انقلاب کے مطابق، ایرانی نیوی اور ائیر و اسپیس فورس نے مشترکہ طور پر امریکی تنصیبات کو نشانہ بنایا۔ بیان میں مزید کہا گیا کہ یہ حملے حالیہ امریکی حملوں کے جواب میں کیے گئے ہیں۔

پاسداران انقلاب نے خبردار کیا کہ یہ حملے اسلام آباد مفاہمتی یادداشت کی خلاف ورزی ہیں۔ انہوں نے کہا کہ اس کے نتیجے میں تمام سفارتی عمل روک دیا جائے گا۔

پاسداران انقلاب نے مزید کہا کہ آئندہ خلاف ورزی پر زیادہ سخت کارروائی ہوگی۔ انہوں نے کہا کہ ایران کے خلاف کسی بھی دشمنانہ اقدام کا فیصلہ کن جواب دیا جائے گا۔

یاد رہے کہ امریکی صدر نے کہا تھا کہ ایران کے خلاف فوجی کارروائی کا آغاز کیا جا چکا ہے اور کسی بھی موقع پر مزید کارروائی کی جا سکتی ہے۔