نیویارک: (رائیٹ ناؤ نیوز) عالمی آن لائن ڈیٹنگ پلیٹ فارم نے ایک منفرد ملازمت کا اعلان کیا ہے۔ کمپنی نے چیف بریک اپ آفیسر کے لیے درخواستیں طلب کی ہیں تاکہ لوگوں کو رشتے ختم کرنے میں مدد مل سکے۔ اس عہدے کے لیے ماہانہ تنخواہ 8 لاکھ روپے مقرر کی گئی ہے۔

کمپنی کے مطابق، چیف بریک اپ آفیسر کی ذمہ داری ہوگی کہ وہ لوگوں کے تعلقات کو باوقار انداز میں ختم کرنے میں مدد کرے۔ اس کے لیے امیدوار کو دوسروں کے جذبات کو سمجھنے کی صلاحیت اور بات چیت کی مہارت ہونی چاہیے۔

یہ شخص ان افراد کی طرف سے رشتہ ختم ہونے کا پیغام دے گا جو خود علیحدگی کی گفتگو سے گریزاں ہوں۔ کمپنی نے واضح کیا کہ یہ نئی سروس لوگوں کو اچانک تعلق ختم کرنے سے بچانے کے لیے ہے۔

واضح رہے کہ کمپنی نے ایک تحقیق کے مطابق جین زی اور ملینیئل نسل کے 84 فیصد افراد ایسے رویے کا سامنا کر چکے ہیں۔ کمپنی کا مؤقف ہے کہ رشتے کا اختتام بھی اتنی ہی اہمیت رکھتا ہے جتنی اس کی شروعات۔

ماہرین کا کہنا ہے کہ بریک اپ صرف ایک اطلاع دینے کا نام نہیں بلکہ یہ جذباتی ذمہ داری ہے۔ ان کے مطابق، اصل ضرورت لوگوں کو بہتر ابلاغ اور ذمہ دارانہ رویہ اختیار کرنے کی تربیت دینے کی ہے۔